Կանխատեսումներ հորոսկոպի 12 նշանների համար
Այսօր լրագրողների հետ հանդիպման ժամանակ աստղաբան, էզոթերիկ Գուրգեն Հովհաննիսյանը ներկայացրեց կանխատեսումներ հորոսկոպի 12 նշանների համար:
«Տարին հաղթանակների, համարձակության և բարձր ձեռքբերումների տարի է երկվորյակների, խեցգետինների, կշեռքների, ձկների, այծեղջյուրների և կարիճների համար, նրանց խորհուրդ է տրվում կրել լեռնային բյուրեղ քարը»,- ասաց Գուրգեն Հովհաննիսյանը` մնացած նշանների համար կանխատեսելով առաջխաղացում ինտելեկտուալ դաշտում, և խորհուրդ տալով կրել ամետիստ: Աստղաբանը կանխատեսումները ներկայացնում ենք ստորև.
Խոյ- Նրանց կյանքում կլինեն հաջողակ պահեր, որոնցում, սակայն, նրանք պետք է ճիշտ կողմնորոշվեն` հետագա հաջողությունները կրկնապատկելու համար: Խոյերին հաջողություն կբերեն կարմիր և վարդագույն գույները:
Ցուլ- Հաջողակ տարի կլինի նոր ընտանիք կազմելու, ընտանիքի աճն ապահովելու գործում, սակայն նրանց կարող են խոչընդոտել սեփական վախերը: Կարևոր կլինի նրանց ճիշտ, հասկանալի և անկեղծ արտահայտվելու ունակությունը: Հաջողություն կբերեն կանաչը և դեղնականաչը:
Երկվորյակ- Նոր հիանալի շրջան է սպասվում ստեղծագործող երկվորյակների համար, նրանց սպասվելու են նաև դժվարություններ, որոնք կապված են լինելու հինը նորով փոխելու նրանց ցանկության հետ: Հաջողակ գույնը կլինի նարնջագույնը:
Խեցգետին- Հիանալի տարի կլինի նրանց համար, երջանիկ շրջան է սպասվում։ Խեցգետիններին սպասվում է ավելի համարձակ և վստահ կեցվածք: Հաջողություն կբերեն սպիտակ և բաց դեղին գույները:
Առյուծ- Տան հետ կապված և ֆինանսական բնույթի խնդիրները հաջող լուծում կստանան, իսկ հաջողակ գույները կլինեն ոսկեգույնը և դեղինը:
Կույս- Նրանք կարող են հաջողությամբ իրագործել իրենց դիպլոմատիկ կարողությունները, սակայն պետք չէ տուրք տալ զգացմունքներին, պետք չէ վիճաբանությունների մեջ մտնել և ռիսկերի գնալ: Կապույտը նրանց գույնը կլինի:
Կշեռք- Տարին նրանց համար բարեհաջող կլինի, կլինեն լավ պահեր, որոնց զարգացումն ապահովելու համար նրանք պետք է զգոն լինեն և ճիշտ օգտագործեն այդ լավ պահերը: Հիանալի տարի կլինի ամուսնության համար: Նրանց գույնը վարդագույնն է:
Կարիճ- Դժվար տարի կլինի նրանց համար, կլինեն խնդիրներ առողջության հետ կապված և աղետների ու ձախորդությունների հետ կապված: Հաջողություն բերող գույնը կլինի կարմիրը:
Աղեղնավոր- Տարվա ընթացքը բարեհաջող կլինի ուղևորությունների, ճանապարհորդությունների համար, կլինեն լավ փոփոխություններ սիրային հարցերում։ Այս նշանի տակ ծնված բարձր պաշտոնյաները մեծ բարձունքների կհասնեն:
Այծեղջյուր- Պետք է զարգացնել համբերատարության հատկանիշը և աշխատել կարգ ու կանոնով, կլինեն հիասթափեցնող դժվարություններ, որոնք ի ուրախություն այծեղջյուրների` կարճ են տևելու: Հաջողակ գույներն են սևը և մուգ շագանակագույնը:
Ջրհոս- Հաղթահարելի կլինեն առողջական խնդիրները: Հաջողություն կբերեն դարձյալ սևը և մուգ շագանակագույնը:
Ձուկ – Տարին երկիմաստ կլինի, կգերիշխեն առողջական խնդիրները: Նրանք պետք է վերանայեն իրենց կյանքի ընթացքը, քանի որ հետագա 7 տարիները կախված կլինեն այս տարվանից:
Գուրգեն Հովհաննիսյանը նշեց, որ բոլոր նշանների համար հաջողակ թվերը կլինեն 2-ը և 7-ը:
Print version
Plain text
Comments (0 posted):
Post your comment