Արեգակի վրա պսակի զանգվածների խոշոր ժայթքումներ են տեղի ունեցել
Տոնական խառնաշփոթի ամենաթունդ ժամանակ, Նոր տարվա հետ կապված ծախսերին եւ խնդիրներին զուգահեռ, գիտանականները նախազգուշացնում են մագնիսական փոթորիկների մասին:
Արեգակի վրա ակտիվության այնպիսի բռնկում է սկսվել, որը կարող է նախատոնական ուրախությանը առողջական խնդիրներ հավելել:
Ինչպես տեղեկացրել են ԱՄՆ օվկիանոսային եւ մթնոլորտային հետազոտությունների ազգային վարչության մասնագետները (NOAA), դեկտեմբերի 26-ին Արեգակի վրա պսակի զանգվածների խոշոր ժայթքումներ են տեղի ունեցել:
Պլազմայի մասնիկները Երկիր կհասնեն դեկտեմբերի 28-ին եւ, թեեւ հարվածը սահող կլինի, կարող է ժամանակավորապես խաթարվել GPS սարքերի, ռադիոկապի եւ էլեկտրական ցանցերի աշխատանքը: G1 դասի մագնիսական փոթորիկները սպասվում են դեկտեմբերի 28-ին եւ 29-ին:
Մասնագետները նաեւ նշում են, որ բարձր լայնություններում կարելի է դիտել հյուսիսային փայլը:
Լուսատուի ակտիվությունը կապված է 11-ամյա շրջափուլի հետ. առավելագույն ակտիվության հաջորդ շրջանը 2013թ. կլինի: Արեգակնային փոթորիկները բնութագրվում են ժայթքումներով, որոնք ուղեկցվում են էլեկտրամագնիսական կտրուկ ճառագայթմամբ:
Օդերեւութաբանական փոփոխությունների հանդեպ զգայուն մարդկանց ինքնազգացողությունը կարող է վատանալ, այդ պատճառով բժիշկները նրանց խորհուրդ են տալիս խուսափել գերծանրաբեռնվածությունից, գրում է utro.ru-ն:
Print version
Plain text
Comments (0 posted):
Post your comment