Ինչպե՞ս են հանգստանում աշխարհի տերերը

Ռուսական ‘’Известия’’-ն պարզել է, թե աշխարհի տերերը` նախագահներն ու թագավորները, որտե՞ղ են սովորաբար անցկացնում իրենց հանգիստը: Ըստ այդմ, օրինակ, Մեծ Բրիտանիայի թագուհի Ելիզավետա 2-րդը ծովի մեծ սիրահար է: Թագուհին դեռևս 2006թ-ին իր 80-ամյակին ինքն իրեն նվեր էր արել` ծովային ճամփորդություն Շոտլանդիայի հյուսիսային ափերի երկայնքով, ինչն արդեն ավանդույթ է դարձել: 

Այս տարի ևս թագուհու «Արքայադուստր Գեբրիդ» շքեղ նավը Ելիզավետային Հյուսիսային ծովում շրջագայությունից հետո տեղափոխել է Շոտլանդիայի Կեյթնես շրջան, որտեղ տեղակայված է Մեյ ամրոցը: Ի դեպ, թագուհուն դիմավորել է նրա որդին` Չարլզ արքայազնը: 

Մի քանի օր ամրոցում հյուրընկալվելուց հետո թագուհին մեկնել է շոտլանդական մեկ այլ `Բալմորալ ամրոց, որտեղ, սովորաբար, իր ամառային արձակուրդն էր անկցանում նրա հանրահայտ նախնին, թագուհի Վիկտորիան: 
Իսկ Իսպանիայի թագավոր Խուան Կարլոսն իր արձակուրդն անցկացնում է ընտանիքի անդամների հետ , ընդ որում ամենասիրած վայրը վաղուց արդեն Բալեարյան կաղզիներն են` Մայորկան: Այս կղզում է տեղակայված Մարիվենտ ամրոցը, որտեղ թագավորական ընտանիքն անցկացնում է ամեն օգոստոս: Ի դեպ, ինչպես տեղեկացնում են որոշ իսպանական ԶԼՄ-ներ, այս տարվա թագավորի հանգիստն ավելի կարճ է լինելու` ֆինանսական ճգնաժամը ստիպում է տնտեսել նաև թագաժառանգներին: 

Գերմանիայի կանցլեր Անգելա Մերկելը ևս ավանդապաշտ է ու սիրում է հանգիստն անցկացնել նույն վայրում` Իտալիայի հարավային Տիրոլ նահանգում: Ի դեպ, այս անգամ հանգստի մեկնելիս տիկին Մերկելն իր հետ վերցրել է Իոսիֆ Ստալինի 900-էջանոց կենսագրությունը: Իսկ ահա Գերմանիայի նոր նախագահ Քրիստիան Վուլֆը հանգիստը նախընտրում է անցկացնել մարդաշատ վայրերում` նախագահին արդեն տեսել են տիկնոջ հետ Մայորկայում, երբ վերջինս երկու տարեկան որդուն զբոսանքի էր հանել: 
«Նախագահ –հայրիկը», ինչպես Ք.Վուլֆին կոչում են գերմանացիները, մեծ հետաքրքրություն է առաջացրել տուրիստների շրջանում, որոնք առիթը բաց չեն թողնում լուսանարվել ջինսերով ու սայլակով նորընտիր նախագայի հետ: