Է. Շարմազանովն ադրբեջանցիներին կոչ է անում համակերպվել Արցախի անկախության հետ
Ադրբեջանում գործող, այսպես կոչված «Ղարաբաղի ադրբեջանցիների համայնքի ղեկավար» Բայրամ Սաֆարովը հանդես է եկել հայտարարությամբ, որում մասնավորապես նշել է, թե «Հայաստանի նախագահը պետք է պատասխան տա անմեղ զոհերի թափված արյան համար»:
Սրա առնչությամբ, ԱԺ պատգամավոր, ՀՀԿ մամլո խոսնակ Էդուարդ Շարմազանովը մասնավորապես ասել է.
«Այդ ազերին, թող իր փոքր սուլթանի հետ նման տոնով խոսի: Պատասխան պետք է տան նրանք, այլ ոչ թե մենք, քանի որ իրենք են Արցախում ռազմական գործողություններ սանձազերծել և իրենք են մշտապես հանդես գալիս ռազմատենչ հայտարարություններով: Ղարաբաղի ժողովուրդը մեկ անգամ պատասխանել է նրանց ագրեսիային, որի հետևանքով նրանք փախան և 1994-ին աղաչում էին , որ իրենց հետ զինադադար կնքեինք»:
Խորհրդարանականի խսքերով, շատ խոսելու փոխարեն լավ կլիներ, որ նրանք համակերպվեին Ղարաբաղի կարգավիճակի հետ, և վաղը՝ սեպտեմբերի 2-ին, շնորհավորեն արցախցիներին, Ղարաբաղի անկախության օրվա կապակցությամբ:
Print version
Plain text
Comments (0 posted):
Post your comment