Վրաստանում կաշառակերութամբ միայն ադրբեջանցիներն ե՞ն զբաղվում
Վրաստանում կաշառակերության դեմ պայքարը շարունակվում է, որի թիրախում, չգիտես թե ինչու, մինչև այժմ բացառապես ադրբեջանցիներն են: Այս մասին տեղեկացնում է «Բաքիլիլար.ազ» լրատվական կայքը, հավելելով, որ Վրաստանի ՆԳՆ տեղեկություններով, երկրի սահմանադրական անվտանգության դեպարտամենտի աշխատակիցները, կաշառք վերցնելու համար ձերբակալել են Մառնեուլի շրջանի ավագանու նախագահ Այվազ Իսմայիլովին:
Նշվում է, որ վերջինս 6000 լարի (3000 դոլար) գումարի դիմաց խոստացել է սեփականաշնորհել քաղաքացիներից մեկի հողային տարածքը:
Հաղորդված տեղեկությունների համաձայն, պաշտոնյաներ են ձերբակալվել նաև Դմանի շրջանում: Ձերբակալվել է Դմանի շրջանի ավագանու նախագահի տեղակալ Կամրան Մուսաևը և Օրոզման համայնքի ղեկավարի պաշտոնակատար Ֆահրատ Կուրբանովը: Վերջիններս ձերբակալել են քաղաքացիներից պարբերաբար գումարներ շորթելու մեղադրանքով:
«Բաքիլիլար.ազ»-ը հաղորդում է, թե զարմանալի է հատկապես այն փաստը, որ ադրբեջանցիները Վրաստանի բնակչության մոտ 10%-ն են կազմում, սակայն բավականին նվազ թվով են ներկայացված պետական կառավարման համակարգում, ինչն արդեն իսկ խոսում է ազգային խտրականության մասին, սակայն կաշառակերների որսի թիրախը հենց ադրբեջանցիներն են, քանի որ ձերբակալվածների 100%-ը ադրբեջանցիներ են:
Լրատվական կայքը կարծիք է հայտնել, թե ադրբեջանցի պաշտոնյաներին կաշառակերության մեղադրանքով ձերբակալելն ու ադրբեջանական դպրոցների փակումն ազդարարում է ադրբեջանցիներին վռնդելու հերթական ռաունդը: Սահակաշվիլի առաջ քաշած կոնֆեդերացիան այն ծխի ամպը կարող է դառնալ, ինչի ներքո Վրաստանը կազատվի ադրբեջանցիներից:
Print version
Plain text
Comments (0 posted):
Post your comment