Ուկրաինան հացահատիկ կարտահանի Վրաստան

Ուկրաինան չի սահմանափակի հացահատիկի արտահանումը Վրաստան, լրագրողներին հայտարարել Է Վրաստանում Ուկրաինայի արտակարգ եւ լիազոր դեսպան Վասիլի Ցիբենկոն՝ մեկնաբանելով աշխարհում հացահատիկի պակասության շուրջն ստեղծված իրադրությունը, ինչի պատճառով Ուկրաինան, ինչպես եւ Ռուսաստանը սահմանափակել Է հացահատիկի արտահանումը: «Չնայած այն բանին, որ այս տարի անցյալ տարվա համեմատությամբ բերքը քիչ Է, Ուկրաինան անպայման հացահատիկ կմատակարարի Վրաստանին»,- մեջբերում Է դեսպանի խոսքը «Իմեդի» հեռուստաընկերությունը: Վրաստանը տարվա ընթացքում սպառում Է 800 հազար տոննա ցորեն, որից տեղում Է արտադրվում լոկ 15 տոկոսը: Ներմուծվող ցորենի 95 տոկոսը բաժին Է ընկնում Ռուսաստանին, մնացածը՝ Ղազախստանին եւ Ուկրաինային: