ՄՄԿ-ը կշարունակի միգրացիային առնչվող խնդիրներում Հայաստանի հետ համագործակցության խորացմանն ուղղված ջանքերը
Font size:
Սեպտեմբերի 6-ին արտգործնախարար Էդվարդ Նալբանդյանն ընդունել է Միգրացիայի միջազգային կազմակերպության Եվրոպական հարևանության տարածաշրջանային ներկայացուցիչ Հանս Պետեր Բոեին, ով Հայաստանում էր գտնվում տարածաշրջանային այցով: Այդ մասին տեղեկացնում են ԱԳՆ լրատվական ծառայությունից:
Ողջունելով հյուրին` նախարար Նալբանդյանը բարձր է գնահատել Միգրացիայի միջազգային կազմակերպության և ՀՀ կառավարության միջև ծավալված համագործակցությունը` ընդգծելով, որ բազմաթիվ ծրագրեր են մշակվել և կյանքի կոչվել երկրի համար առաջնայնություն ներկայացնող ոլորտներում:
Հանս Պետեր Բոեն շնորհակալություն է հայտնել Էդվարդ Նալբանդյանին ընդունելության համար և վստահեցրել, որ ՄՄԿ-ը կշարունակի միգրացիային առնչվող խնդիրներում երկկողմ համագործակցության խորացմանն ուղղված ջանքերը:
Զրուցակիցները քննարկել են կանոնավոր միգրացիայի կազմակերպման խթանմանը, միգրացիայի ոլորտում քաղաքականության մշակմանը և օրենսդրական բարեփոխումներին, ՀՀ կառավարության կողմից սահմանային կառավարման բարեփոխումների իրականացմանը եւ մարդկանց շահագործման (թրաֆիկինգի) դեմ պայքարին, փախստականներին առնչվող հարցեր:
Print version
Plain text
Comments (0 posted):
Post your comment