Ավանում բացվեց «Նարեկ» հուշարձան-աղոթագիրքը
ՀՀ Նախագահ Սերժ Սարգսյանն այսօր Ավան վարչական շրջանում մասնակցել է Գրիգոր Նարեկացու «Մատյան ողբերգությանե-ը նվիրված «Նարեկ» հուշարձանի բացման արարողությանը: Արարողությանը ներկա էին նաև բարձրաստիճան այլ հյուրեր, ԱԺ պատգամավորներ:
Երկրի ղեկավարի մամուլի գրասենյակից հաղորդում են, որ Նարեկացի թաղամասի այգում գտնվող հուշարձանի կառուցապատումն ու բարեկարգումն սկսվել է 2009թ.` թաղամասի ներբակային ապօրինաբար զբաղեցված հողամասերի եւ ավտոտնակների տեղում:
Նշենք, որ հուշարձան-աղոթագրքի բացումն իրականացել է Երևանի Ավան համայնքի Գրիգոր Նարեկացու անունը կրող թաղամասում թաղամասի նախկին թաղապետ /այժմ` փոխքաղաքապետ/ Տարոն Մարգարյանի, Ավանի վարչական շրջանի ղեկավար Մանվել Ջավադյանի և թաղամասի բնակիչ, ՀՀ նկարիչների միության անդամ քանդակագործ Համլետ Մատինյանի համատեղ ցանկությամբ և միացյալ ուժերով:
Նարեկաբուժությամբ զբաղվող բժիշկ, հոգեբան Արմեն Ներսիսյանի հավաստմամբ մարդկային բժշկության մեջ «Նարեկը» բոլորի համար ծառայում է որպես ճանապարհի ուղենիշ` մոլորվածների, հիվանդների, հանցավորների, մեղանչածների, անհույսների` անկախ տարիքից, սեռից, ազգությունից, անգամ դավանանքից:
Դասական ոճի մտածելակերպ ունեցող և իրականացրած աշխատանքներով խիստ արդիական քանդակագործ Համլետ Մատինյանն անդրադառնալով Մեծն Նարեկացու մատյանին` իրեն հատուկ յուրօրօրինակ լուծում առաջարկեց խնդրին տալով առավելագույնս աստվածահաճո լուծում:
Print version
Plain text
Comments (0 posted):
Post your comment